قلم کی حرمت، فکری طہارت اور صالح معاشرے کی تعمیر
ادارۂ ادبِ اسلامی ہند ایک ہمہ جہت ادبی و فکری تحریک ہے جو ادب کو محض الفاظ کی شعبدہ بازی، قافیہ پیمائی یا لایعنی تفریح کے بجائے انسانیت کی اخلاقی تطہیر، اسلامی اقدار اور مثبت سماجی شعور کا مؤثر ترین وسیلہ بناتی ہے۔
حرفِ آغاز
ہمارا نصب العین
الفاظ کی بازی گری سے پرے، ایک زندہ، متحرک اور بامقصد ادبی کاروان
ادب صرف زبان کی حلاوت، بندش کی چستی یا وقتی جمالیاتی تسکین کا نام نہیں ہے، بلکہ یہ انسانی دل و دماغ کی آب یاری اور تہذیبوں کی سمت متعین کرنے والی ایک زبردست تسخیری طاقت ہے۔ اسی شعور کے ساتھ ادارۂ ادبِ اسلامی ہند گذشتہ پچھتر برسوں سے برصغیر کے ادبی افق پر حق و صداقت کی مشعل روشن کیے ہوئے ہے۔
یہ محض کوئی روایتی ادبی انجمن نہیں بلکہ ایک ہمہ گیر فکری تحریک ہے جس کا بنیادی مقصد قلم کو انسانیت کی فلاح، خیر کے فروغ اور شر کے خاتمے کا ہتھیار بنانا ہے۔ ہم ’’فن برائے فن‘‘ کی غیر ذمہ دارانہ حدوں کے مقابلے’’فن برائے زندگی‘‘ اور ’’فن برائے بندگی‘‘ کے علم بردار ہیں۔ ہم انسان کو یاسیت، شہوانی انتشار اور اخلاقی بے راہ روی سے نکال کر باوقار کردار، اعلیٰ اخلاق اور پاکیزہ ذوقِ جمال کے حامل دیکھنا چاہتے ہیں۔
ہماری بنیاد
بنیادی فکری ستون
قلم برائے تعمیرِ اخلاق
ایسا ادب جو حیا، عدل، صداقت اور انسانی ہم دردی کو پروان چڑھائے اور معاشرے کو اخلاقی زوال سے بچائے۔
فکر اور فن کا امتزاج
پیغام کی مقصدیت کے ساتھ فنی پختگی اور جمالیاتی حسن کا امتزاج؛ کیوں کہ فنی حسن کے بغیر ادب ادب نہیں رہتا۔
کثیر لسانی وسعت
لسانی عصبیت سے بالاتر ہو کر اردو کے ساتھ ساتھ ہندی، کنڑ، ملیالم، تمل، تلگو، پنجابی اور بنگلہ زبانوں میں اقدار پر مبنی ادب کی ترویج۔
نئی نسل کی تربیت
نوجوان قلم کاروں اور ریسرچ اسکالرز کے لیے تنقیدی نشستیں، ادبی ورکشاپس اور فکری رہ نمائی۔
نئی دہلی سے شائع ہونے والا ادبی جریدہ
ماہنامہ ’’پیش رفت‘‘ — اخلاق اور پاکیزہ جمالیات کا پاسبان
اگست 1993 سے جاری یہ مجلہ برصغیر میں اسلامی ادب کی تحریک کا ایک باوقار ترجمان ہے۔ اس میں پاکیزہ شاعری، فکری مقالات، افسانے، تنقیدی تجزیے، کتابوں پر تبصرے اور ملک گیر ادبی خبریں شائع ہوتی ہیں۔
زرِ اشتراک: فی شمارہ 35 روپے | سالانہ 400 روپے (Union Bank of India, New Delhi, A/c: 584501010050385)
دعوتِ شمولیت